27th May, 2024 atanga ruah nasa tak a sur avangin Tlawng lui lianin GAWSS-I tui pumpna khawl (Reiek kai) a chim a. Hemi avang hian GAWSS-I atangin tui pump theih a ni dawn rih lo a, GAWSS-II power supply harsatna a awm avangin tui pump a mumal thei dawn lo bawk.
Aizawl veng hrang hranga leiminin tui semchhuahna pipe a tihchhiat avangin tui semchhuahna lamah harsatna tawh mek a ni bawk.
Hemi avang hian Aizawl khawpui chhungah tui sem lamah hun engemaw chen harsatna a awm dawn a. Mipui ten lo hrethiam a ruahtui khawl lama tan lo la zel turin kan inhriatthiamna kan inngen e, tiin PHE Deptt. chuan thuchhuah a siam.
Phase-I Tlawng in chhiat a tawh dan report ; Dt.28.05.2024 @ 10:45 AM
1) VT motor a chim pil vek
2) Mechanic store leh Electrical store bang thlang lam tuilianin a ti chhia/a la vek
3) Pump house duty room feet chanve vel chauhin tuiin a chim phak lo
4) Pump house a Pump khawlte Feet 1 velin tuiin a chim tawh
5) Pump house duty te eirawngbawlna leh an Chaw/chawhmeh te tuiin a chim vek.
6) Leimin leh thingtlu vangin Tlawng kawng ala tlang thei lo
