Tuirial biak By election BJP candidate tur Pu K.Laldinthara ruat a ni

BJP Mizoram State President Pu Vanlalhmuaka chuannimin khan an pisa ah chanchinbu mite hmaah Tuirial Bial Byelection lo awm tur atan BJP Mizoram Pradesh chuan officialCandidate turin K Laldinthara BJP State Spokesperson chuCentral hruaitute pawmpuina in ruat ani tih nimin khan a puang a.Pu Vanlalhmuaka chuan Pu K. Laldinthara chu BJP Candidate nimahsela, Mizoram Sorkar leh Mizoram Mipuite harsatna sutkian anih theihna tur a, Trump Card kenga Centrala kan harsatna zawng zawnga Modi Sorkar a thlen theitu tur a ni,ati a. Mizoram CM Zoramthanga’n Tuirial Bial mipui te vauin,MNF an thlantlin loh chuan hmasawnna in a thlenloh tur thu a sawi chu, CM Zoramthanga hian Democracy kalphung ahre miah lo tih alanga, hetianga By Election neih apianga Rulling
Party Bial nih loh pawi theih zia a sawi fo hi sim rawh se, a ti.Tunah hian Rulling MLA emaw CM bialah ngei pawh hian opposition bial aia hmaasawnna tha bik thleng sawi tur a awm loh mai bakah CM bial ngei pawh Aizawla kawngchhe tam ber a ni hial in a rinawm a, chuvangin hetianga mipui bum hi kan Ram hruaitute hian ching tawh lo turin ka ngen a ni, a ti. K. Laldinthara chuan, Tuirial Bial By election a ding tur chuan, MNF sorkar hi NDA a tel tlak lo khawpin an chechhia, a ti a. Kum 2023 inthlanah chuan NDA atangin an pet chhuah tawh a rin thu sawiin, BJP min sawisel reng a, MNF hian MLA a neih belh a tulna a awm tawh lo, a ti bawk.