Vawiin khan Empowred Committee on Investment leh sawm bik mi pawimawh te chu Lalduhoma, Chief Minister hovin CM office-ah an thukhawm a. An thutkhawm hmasaa an thu rel bawh zuinate an thlirho a ni.
Chief Minister Lalduhoma chuan, “Tunhmain sawrkar lam chan chhe tur sa rana Company te nena MoU ziah a lo awm tawh thin. Sawrkarin sum a chawi fo va, han bantir (terminate) duh pawha ban hleih theih loh MoU te pawh a awm. Hetianga sawrkar lam chan chhe sa rana MoU ziah hi kan sawrkarah hian awm tawh lo se kan duh a. Sawrkarin a chhiatpui loh tur, kan duh dana MoU kan ziahpui theih chauh hi inremna siampui ila, a thei lo chu ziahpui lo mai ila, tih hi kan rilru a ni,” tiin sawrkar ngaihdan a sawi a. Chu mi hnuah an zirchianna te report an ngaithlain an sawiho a ni.
He committee hian June ni 11 khan Sawhthing leh thlai dang processing unit rawn din duh company pathumte draft Memorandum of Understanding endiktu tur mi a ruat a. Company te draft MoU hi sawrkar tan pawm vek theih a nih hmel loh avangin sawrkar duh dan chiang taka tarlanna (Expression of Interest) siam ni se, company te hi hriattir thuai ni se, a tul chuan company dang pawh hriattir ni se, an ti.
\
Meeting-ah hian Mizoram Industrial & Investment Policy thlirhona an nei bawk.
Meetingah hian PC Vanlalruata, Agriculture Minister, F. Rodingliana, Commerce & Industries Minister, TBC Lalvenchhunga, Adviser to CM, Dr. KC Lalmalsawmzauva, Adviser to CM leh official pawimawh te an tel a ni.
