Excise & Narcotics Department leh Anti-Drugs Squad, Sub-Headquarters YMA,Champhai District te thawk dun chuan, Heroin (No.4) leh Methamphetamine an man. Ningani tlai khan Bethel Veng (Neuva Section), Champhai-ah Heroin gram 65.520 (Hawng 5) leh a neitu nia rinhlelh – Sawngsawmlala (27) s/o Thangzahata, Champhai Vengthar-a khawsa mek nia inchhal chu man a ni.
Ningani vek khan Zote, Champhai District-ah Methamphetamine tablet 50,500 (Kg 5.500) leh a neitu nia puh mi pahnih – Thangsiankhaia (26) s/o Khaisuanpauva, Thinglei, Myanmar, tuna Champhai Bethel Venga khawsa mek nia inchhal leh Zamlamsum (24) s/o Pauzago, Thinglei, Myanmar-a khawsa nia inchhalte man an ni bawk. Anni hnen atang hian Heroin gram 14 (Hawng 1) bakah heng ruihhlo man takte phurna atana an hman khawchhak lam Bike, Kenbo 125 Bike pawh hrensak an ni. Ruihhlo vanga mante hi The Narcotic Drugs & Psychotropic Substances Act 1985 (NDPS Act) tlawhchhanin thubuai siamsak an ni
CID (SB) Mizoram Police te chuan Ningani zan khan Buichali leh Missionary kai inkar, Sairang khaw bulah lirthei pakhat atangin Methamphetamine mum 90,000 an man a, He lirthei hi Animesh Debbarma (33) s/o Sushil Debbarma, Santinagar Kalyanpur, Santinachar Bazar, Kalyanpur Police station, Kalyanpur Dist (Tripura) khalh a ni a, damdawi man hi international market-ah Rs. 4.5 crores man a ni. Heng thil mante leh lirthei khalhtu hi Special Narcotics PS kutah a tul anga dan anga hmalak a nih theih nan hlan nghal a ni.
Hetih lai hian Excise & Narcotics Department chuan Nilaini zan khan Zokhawthar Road, Champhai District-ah Heroin gram 126.050 (Hawng 10) leh a neitu nia rinhlelh mi pahnih – Vanruatpiang (40) s/o Suiluai (L), Zokhawmawi, Myanmar leh Lalthawmmawia (32) s/o Tlanthanga, Dungtlang, Champhai District-a khawsa mek nia inchhalte man an ni.
Excise & Narcotics Department hian Nilaini zan khan Vaivakawn, Aizawl-ah Heroin gram 102 (Hawng 7) leh a neitu nia puh mi 2 – Roengmawia (25) s/o Kaithuama (L), Rangvamual, V Section, Aizawl leh Chingsanawl (37) d/o Chinkhamlang, Darkhai khua, Tangzang District, Myanmar-a khawsa mek nia inchhalte man an ni bawk.
Hei bakah hian nimin khan Armed Veng South, Aizawl-ah Heroin gram 301 (Hawng 22) leh a neitu nia puh mi pahnih – Zaikhumi (50) d/o Thangchhunga (L) leh Lianlaia (58) s/o Thanliana, Zokhawthar, Champhai District, tuna Armed veng South, Aizawl-a khawsa mek nia inchhalte chu man an ni bawk. He mite hi nupa an ni.
Excise & Narcotics department-in heroin an man zawng zawng hi gram 529.090 (Hawng 39) a ni. Ruihhlo vanga mante hi The Narcotic Drugs & Psychotropic Substances Act 1985 (NDPS Act) tlawhchhanin thubuai siamsak an ni.
