Union Cabinet Minister-in Mamit-ah Official-te meeting a neihpui

Shri. Parshottam Rupala, Union Cabinet Minister, Fisheries, Animal Husbandry & Dairying, Govt’ of India chuan vawiin khan DC Conference Hall, Mamit-ah Mamit khawpui chhunga Sorkar Officials te leh Central Schemes hrang hranga beneficiaries te kawmna a nei.
Lalnunhlua, District Bawrhsap kaihhruai meeting-ah hian Aspirational District Programme hnuaia hmalakna hrang hrangte; Lalsanglura, Aspirational District Programme Nodal Officer chuan Power point presentation hmangin a tarlang a. Hmasawnna awmte leh hmachhawp/tanlakna tur hrang hrangte sawiho zui nghal a ni.
Shri Parshottam Rupala, Union Minister chuan Mamit District a tlawh chhan leh inkawmhona neih anih chhan sawiin, Central Schemes hrang hrang District mipuite’n an hlawhtlinpui theih nan leh tha taka kalpui anih leh nih loh thlithlai a, harsatna awm angte hrechianga sutkianpui tura lokal anih thu a sawi a. District Concern Officers te pawhin Sorkar hmalakna Programme hrang hrang zirchiang a, beneficiaries te’n an hlawhtlinpui ngei theih nana tan la turin a fuih a. Mamit District chu Aspirational District anih angin natna khirhkhan bik inenkawlna atan cheng Nuai 5 thleng bill theih turin ruahmanna Central-in a siam a, Mamit District chhungah mi sing 5 thlanchhuah atanga sing 3 te chu dawng tura thlanchhuah an nih tawh thu sawiin, a bak sing 2 pawh hian an hmuh theih nan hmalakpui mek an nih thu a sawi bawk.
Minister chuan PM-Kisan chu Aadhaar Card, ram leh Bank Account nei tan dil theih anih thu sawiin, a concern department te pawhin Mamit District chhunga kuthnathawktute’n he scheme atanga hlawkna mi tam thei ang berin an dawn theih nana tan la turin a chah bawk. Union Minister hian inkawmhona-a Sorkar Officials leh Beneficiaries te’n an harsatna leh mamawh an lo thlente chu a theih ang anga bawhzuisak a tum thu a sawi a ni.
He hunah hian Central Schemes hrang hrang AYUSHMAN BHARAT – Health & Wellness, Ayushman Bharat – Jan Arogya Yojana, e-Transaction, Pradhan Mantri Jan Dhan Yojana (PMJDY), PM Street Vendor’s Atma Nirbhar nidhi (PM-Svanidhi), Pradhan Mantri Ujjwala Yojana (PMUY), Pradhan Mantri Awas Yojana (Gramin/Urban), Jal Jeevan Mission (individual household connection & Schools), Swachh Bharat Mission (Urban/Gramin), PMMVY leh PM-Kisan hnuaia Beneficiaries te leh a changtu Officials te kawmna neiin zawhna leh chhanna hun hman zui a ni bawk.