Vawiin 24th May 2025 (Saturday) hian Union Minister of State for Fisheries, Animal Husbandry and Dairying and Minority Affairs changtu George Kurian chuan MVA buatsaih Volleyball Tournament Final hmanpui turin Mizoram alo zin a, naktuk 25th May 2025 Sunday hian Delhi a let leh ang.
BJP Mizoram chuan, “Mizo thalai ten a an lawm em em infiamna pakhat Volleyball Tournament Final hmanpui tur a, Union Minister George Kurian a rawn kal chu lawm awm kan tiin, India ram hruaitu ten thalai te min ngaihsak zia leh kan hma khua an ngaihzia alang chiang hle ah kan ngaia, Mizoram Volleyball Association tena Tournament Final hmanpui tura Union Minister sawm na chang an hria leh Union Minister alo kal theih nan a theihtawp chhuaha hmalakpui tu BJP Mizoram State President Pu Vanlalhmuaka chungah pawh lawmthu kan sawi a ni.
“Mizoram infiamna a thil la thleng ngailo Union Minister meuh in a, kan infiamna te min ngaihhlutsak ani tih leh Mizoram min ngaihsak ani tih alang chiang hle ah kan ngai a, Mizoram in kan beisei phak baka Centralin min ngaihsakna leh min duhsakna te hria a, infiamna lam a tun aia hmasawnna tha zawk kan neih nan te, Kuthnathawktu ten an thar chhuah hralhna kawng ah te harsatna kan tawh loh nan te, Politics kawng dik, Development tak tak kan zawh theih nana hruaitu tha kan neih theih nana ngaihtuahna seng turin Mizoram mipuite kan sawm tak meuh meuh che u a ni,” an ti bawk.
