Union Minister of State for Agriculture-in Mamit a tlawh

Shri. Kailash Choudhary, Hon’ble Union Minister of State for Agriculture & Farmers Welfare, Govt. of India chuan vawiin khan Mamit tlawhin Tourist Lodge, Mamit-ah Lalnunhlua, Mamit District Bawrhsap leh Officials dangte’n an lo dawngsawng a. DC Conference Hall, Mamit-ah Sorkar Officials-te nen Meeting neih zui nghal a ni.
Shri. Kailash Choudhary, Hon’ble Union Minister chuan Aspirational hnuaia Mamit District performance hrang hrangah thenkhata hmasawnna a thlen laiin thenkhatah kan tlahniam bawk a. Heng kan hmasawnna leh kan tlakhniamna chhante uluk taka chhuichiang a, a taka ground level-ah mipuite’n an chhawr ngei em tih kan ngaihtuah chian fo a ngai a ni a ti. Eng thil mah felsa thlapin a awm thei lova, kan thil neih ang angte a tangkai thei ang bera hmang turin ruahmanna kan siam thiam a pawimawh a, chumi atana kan rilru puthmangte kan tihdanglam a ngai a ni a ti.
Lo nei mite tan Scheme hrang hrang siam niin PM Kisan leh Kisan Credit Card hnuaiah te a pung tlema Loan lak bakah tanpuina pawisa dawn theih a ni a. Heng scheme te hi zirchiang a, Mamit District chhunga Block 3-ah Farmers Producer Organisational (FPO) din a, theihtawpa hmalakpui turin Officials te a chah bawk.
Tunhnaiah Mamit District chhunga khaw 20-ah Rawthing tâm avangin Sazu a puang mek a. Thingtlang lo nei mite’n an buh leh bal thar chhuah tur tam tak an chan mek thu tarlan niin hemi chungchang zirchiang turin a Ministry hnuaia mithiam bik Scientist te Mamit District-ah a rawn tirh tur thu Minister hian a sawi a. Lonei mite’n Kuhva hring an tharchhuahte pawh Mizoram pawna awlsam zawka hralh anih theih nan theihtawpa hmalak anih tur thu a sawi bawk a ni.
Meeting-ah hian Aspirational District Programme hnuaia hmalakna hrang hrangte thlirho niin harsatna awmte sawiho a ni a. Zawhna leh chhanna hun hman nghal a ni bawk.
Union Minister hi Aizawl atangin Agriculture Director-in a rawn tawiawm a. Vawiin thutkhawmah hian Mamit khawpui chhunga Sorkar Officials-te an tel tha hle a ni.