BJP Mizoram State Office, (Mipui Run) Upper Republic-ah Union Minister of State for DoNER Pu BL Verma chuan vawiin 16th September 2023 tlai dar 5:00 pm hian a tlawh a, Pu Vanupa Zathang IPS (Retd) State Vice President-in inkhawm a kaihhruaia, Dr. Zonuntluanga State Secretary-in Lawmna thu sawina hun neiin, Mahila Morcha Treasurer Lalramengmawii Sailo in lawmna thilpek a hlan bawk a ni.
BL Verma chuan thusawiin, “Mizoram hi vawi hnih ka rawn tlawh tawh a, Mizoram ka rawn tlawh chhan pakhat ah chuan SEVA PAKHWADA (Midang tana luanchhuahna) puala hun hmang turin ka rawn kal a ni,” a ti.
BL Verma chuan, “BJP Sorkar Pu Modi-a Kaihhruai chuan NE State hi a ngai pawimawh êm êm a, NE State ah Development nasa taka thlen theih nan hmalak a ni a, nasa takin India hmarchhak ah pawh Development a thleng mek a ni. Tun hnailawkah G20 ah Presidency chanvo hneh takin a chelh a, India ram chu Pu Modi-a chuan G20 Summit ah pawh thil ti thei tak ram a nih zia a lantir a, PM Modi-a hmalakna hi a ropui hle a, chu malsawmna chu India mipui zawng zawngin kan dawng a, Khawvela ram thang duang berte zingah kan awm chho mek ta hi a ropui hle a ni,” a ti.
BL Verma chuan, “Lengpui Airport sak mek chu enfiahna hun ka nei a, duh thu a sam lo hle a, nimahsela Central suma sak a nih avangin a hun taka hna thawh zawh a nih theih nana hma la tura hriattir a ni a, Inthlanpui kan neih hmaa zo hman tura hna thawh a ni bawk. Tin, Mizoram ah District Hospital (Damdawiin) pathum lai sakna tur sum pawh Mizoram tan kan pe bawk a, chungte pawh chu hawn theih thuai kan beisei a ni,” a ti bawk.
BL Verma chuan sawi chhunzawmin, “I.N.D.I.A tih chu Opposition Party te’n Corruption-a India ram an eichhiat mai chu duhtawk lovin, INDIA hming lam pawh an ru duh hi a buaithlak hle a, hei vang hian vawiin ah pawh India hming tho BHARAT tih chu hman a ni ta mek a ni,” a ti bawk.
