Shri Ashwini Kumar Choubey, Union Minister of State for Environment, Forest and Climate change And Consumer Affairs, Food & Public Distribution, Govt of India chuan vawiin khan BJP Office, Upper Republic-ah chanchinthar lakhawmtute a kawm.
Shri Ashwini Kumar Choubey chuan, “Kan Prime Minister Pu Narendra Modi chuan North East India hi a ngaih pawimawh em avangin tun hma zawnga Look East Policy tia an lo sawi chu “Look” mai nilovin India hmarchhak state te hian hmasawnna ataka an chan theihna atan Act East Policy ti a thlakin, kum 8 chhungin Pu Modi kaihhruai sorkar chuan hmasawnna kawng hrang hrang hmarchhak miten an chan theihna atan hna athawk chho mek a. Chung hmasawnna zingah chuan inkalpawhna kawng viz., National Highway siam te, Railway Siam te, thlawhna tum hmun siam te, AIIMS, NIT din chhoh mek a nih bakah mipuiin an mamawh hrang hrang hmasawnna hna chak taka thawhchhoh mek a ni a.
Pu Modia kaihhruai sorkar chuan India Hmarchhak state te a ngaihpawimawh zia a lanna chu Central sorkara Ministry hrang hranga a Minister te chu India hmarchhak a state tinte chu thlakhatah vawi 2/3 tal tlawh turin min ti a. Chutichuan tunah hian keimah ngei pawh Mizoramah lo kalin ka Ministry enkawl Deptt – Ministry of Environment & Forest and Climate Change te, Department of Consumers Affairs, Food and Public Distribution a Minister te leh Official te chu Mizoram khawpui ngeiah lo kalin meeting ka rawn neihpui a ni,” a ti.
Union Minister of State hian Minister leh Official te nena review meeting an neih laiin tun hma kum 20 kal ta a Central sorkarin Mizoram state a Deptt of Consumer Affairs, Food and Public Distribution bill an lo batsak chu Delhi be nghal in an release sak nghal thu thuthar thehdarhtute hmaah a sawi bawk a ni.
Union Minister chuan Mizoram Governor leh Chief Minister pawh Mizoram hmasawnna tur atana thil tul hrang hrangte chu tukinah khan hmu in, Food Corporation of India Godown/ warehouse lian zawk sak dan turte leh Oil Depot lian zawk neih dan turte a sawipui a. Mizoram in ram a neih phawt chuan Central sorkar chuan eng hunah pawh a sakna tur kan pek theih thu Union Minister of State Pu Ashwini Kumar Choubey chuan Governor leh Chief Minister chu a hrilh nghal a ni.
Prime Minister hmalakna chak tak avangin kum 2022-2023 chhungin PM-DIVINE kal tlangin Rs.1500 Crore DoNER Ministry hnuaiah Budget dah a ni a. He Budget hi a rang lama DPR te siam a haichhuak turin Union Minister hian Mizoram state sorkar chu a hrilh nghal a. PM hian a ngaihpawimawh ber chu central atanga sum lo kal hian mipuite a thleng em tih hi a hriat duh leh a ngaihven chu a ni a. Media te leh BJP party te chu hetiang lamah pawh beng lo chhi turin Union Minister chuan Press mi kalkhawm te chu a chah zui bawk a ni.
India Ram Prime Minister hian kum 8 chhung, a sorkar chhung hian a ngaihpawimawh chu In nei lote chenna tur in sak sak te, Tui connection nei lo te tui pek te, Gas connection nei lo te Free Gas Connection pekte, Ayushman Bharat kal tlanga Rs 500000/- thleng damdawi in a, a Free a inenkawlna tur pek te, Loneitute tanpuina PM Kisan Nidhi, KCC leh Loneitute kum 60 an tlin hnua pension pek te, thalaite tana eizawnna bul tanna hna siam sak te, Ek In nei lo te ek in sak sak te a ni a. Heng hi Mizoram state chhungah pawh mitinin a taka an chan theihna atan kan PM hian nasa takin hma a la a. Media te leh BJP te chu lo enzui a a tul anga hma la turin a chah zui bawk a ni.
Kan Chief Minister nen minute 32 chhung an inkawm thu sawiin, minute 22 aia tam Mizoram CM hian Mizoram ah mau hman tangkai dan tur Union Minister chu a lo hrilh a. Mizoram mau te hi a lian in patling pathumin mau pakhat hi an pu zo țâwk a. heng mau lian te phurh chhuahna tur hi Mizoramin kan mamawh thu CM hian Union Minister hi a lo hrilh a ni. Bamboo Tissue Culture Laboratory pawh Mizoram ah din a tul thu Mizoram CM hian a lo hrilh bawk a ni. Union Minister chuan central atangin Mizoram CM in a mamawh a sawite rawn zir chiang tur mithiam a rawn tirh tur thu a hrilh a ni.
Kawngpui siam chungchanga Environmental and Forest Clearance chungchanga zawhna chhangin Union Minister chuan Forest clearance chu State hna a nih thu leh hmasawnna hnathawhna tur a nih phawt chuan engmah Central sorkarin harsatna a siam loh thu Media te hi a hrilh a ni.
Pu Ashwini Kumar Choubei chuan Mizoram kalo kal hian BJP Office ah bul ka rawn tan a, BJP Office atangin atawp ka khar bawk a, achhanchu Kum 2023 ah Mizoram ah BJP kan Sorkar ngei theih nan hetiang hian hun ka hmang a ni a ti bawk.
