Nizan khan Larsap Hari Babu Kambhampati leh Ashwini Kumar Choubey, Union Minister of State for Consumer Affairs, Food and Public Distribution and Environment, Forest and Climate Change te chu Raj Bhavanah an inkawm.
Larsap Hari Babu Kambhampati chuan Union MOS Ashwini Kumar Choubey chu Mizoramah a lo lawm a. Helai hmuna official program hrang hrang a hmannaah te state official te nen Mizoram hmasawnna tura ruahmanna tha tak tak siam turin duhsakna a hlan nghal bawk a ni.
Larsap chuan Union MOS hnenah hian Mizoram dinhmun tlangpui te, Mizorama hmasawnna ruhrel lian zual deuh thawh mek te leh hun reilotea thawh tur chi project liantham deuh chanchin tlangpui a lo hrilh hmasa a. Union MOS nen hian sawrkar hmalakna pawimawh dang te pawh an sawi dun a. He hunah hian Governor chuan National Institute Of Technology(NIT) sakna tur hmunhma a la fel theih loh thu sawiin Union MOS for Forest and Climate Change chu NIT sak hna thawh thuai a nih theih na tura Forest Clearance chingfel turin a ngen a ni.
