Vaivakawn Zohnuai Leimin chu vawiin thlengin a la min chhunzawm zel a, vawiin pawh khan Pu Makunga In chu a chim leh a ni.
Helai kawng min reng chungchang Core Committee Emergency Meeting, DM&R Minister Pu Lalchamliana, hova nimina neihin a rel ang leh Mizoram State Sorkar Notification thu pek angin Vaivakawn Zohnuai Leimin avangin leiminna lai hmun a NH-54(Airport Road) chu mipui him zawk nan Lirthei engchi mah kal phalloh a khar a ni tih SP. Traffic Aizawl chuan thupek a chhuah.
Vaivakawn Zohnuai leimin avanga NH-54 kawng khar/block a nih avang hian he lai kawnga kal thin lirthei lian(HMV) te hi Kawnpui- Aizawl via Durtlang kal tlangin an tlan a ngai dawn a.
Kawnpui lam atanga Aizawl via Durtlang kal tur lirthei lian HMV ke 10 nei chin leh a aia te te chu Zing dar 6:30 atanga Chawhnu dar 1:00 thleng an tlan thei ang a. Aizawl lam atanga Kawnpui via Durtlang kal tur lirthei lian HMV ke 10 nei chin leh a aia te te chu Zan dar 7:00 atanga Zing dar 2:00 thleng an tlan thei ang. Lirthei lian HMV ke 12 leh a aia lian te chu Kawnpui atanga Aizawl via Durtlang lam ah tlan phal a ni lova, Kawnpui atanga Sairang Road lam ah chauh kal tur a ni a. Sairang Sihhmui leh Ch. Saprawnga Truck Terminal ah lirthei te zawk te nen bungrua an in hlan chhawng (transit) thei ang. Kawnpui leh Aizawl inkar kawng via Durtlang hi a zim avang leh lirthei lian te an tlan dawn avangin lirthei leh bungrua engmah kawng dung ah dah phal a ni lo a. Aizawl kal tlang tur HMV te chu Zemabawk leh World bank road lamah an tlan tlang nghal thei ang a, Aizawl khawpui chhunga lut turte chuan HMV entry Zan dar 8 thleng nghakin World bank road ah an lo nghak thei ang.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang a.Thupek zawm lo chu Section 179, MV( Amendment) Act 2019 hmanga hrem theih an ni.
