Vawiin chawhma lam dar 10:45 vel khan Lawngtlai district chhung, Vaseikai leh Longpuighat inkara Tuichawng Lei chu Truck ritphurin a zawhlaiin a chim a, thi erawh an awm lo nia thudawn a ni.
Vaseikai atanga thu a dawndanin, Truck hian kawngsiamna a hmantur lunghersawn a phur a, Lei lai vel a thlenin Lei hian zolovin a chim ta a ni.
He Truck, RJ 19GG 6135 hi GREF ta niin Driver Darshan Nagi (41) S/O Dakliram, Orissa chuan hliam a tuar nual a, Shaikh Farid S/O Shirazel Assam,chu Lei chim ah hian tlatelin hliam na sawitur a neilo.
Tuna lei chim bulah hian nikum April 6, tlai 5:30 vel khan tun a lei chim thlakna tur atana Lei dawh lai chu alo chim tawh a, hnathawktu hnamdang engemawzatin hliam an tuar a, mi pakhaktin nunna a chan nghe nghe a ni.
