Vawiin khan Pi Lalthianghlimi Kum 61 Lunglei Chanmari veng chu HPC Office Lunglei bula chawhmeh a zuar lai vawiin a pasal in bomb hal chilhin a thi.

Lunglei atanga thudawnna in a sawi danin, Pi Lalthianghlimi leh a pasal Rohmingliana te hi an nupa inthen lai a ni a. Vawiin dar 12:15 vel khan Rohmingliana hi a nupui thlai zawrhna bulah hian kalin, bomb gelatin ni a hriat hmang hian a hal chih nia sawi a ni. Pi Lalthianghlimi bula chawhmeh zuar ve tho, a fanu hnen atanga thudawn danin, chawhmeh zuara an inphonaah hiah Pu Rohmingliana hi kalin, Pi Thianghlimi hnenah hain mei min han zial teh a ti a. Meizial zial chu zuin, ka awm a nuam lo, ka khua a sik deuh tih pahin Pi Thianghlimi hi a bawh a. Bomb hi a puak zui ta a ni, a ti a. A nu leh a pasal Pu Rohmingliana te hi thla khat liamta velah khan an inthen tawh ni a sawiin,
Pi Thianghlimi leh Pu Rohminga te hi Civil Hospitalah kalpui nghal an ni a. Pi Thianghlimi hi boral nghalin, Pu Rohminga hi a dinhmun a tha lo hle a ni a thudawn a ni.