BJP Mizoram President Vanlalhmuaka chuan Parshottam Rupala, Union Minister of Fisheries, Animal Husbandry and Dairy chu New Delhi ah a chenna in-ah hmuin Vawkpul hri leng avanga Mizoram a vawkvulhtuten an vawk vulh an chan nasat thu leh vawk a thih nasat thute lehkha thawn a alo hrilh tawh chu hrilhnawn leh in, vawlvulhtu dik tak ten an vawk vulh an chan avanga zangnadawmna chu an hmuh ngei theihna tur a hma lakpui zui zel turin Minister chu a sawipui.
BJP Mizoram thuchhuah tarlan danin Union Minister chuan Mizoram a vawk vulhtuten vawkpul hri avanga an harsatna tawh kawngah Mizoram sorkarin alo thlen tawh angin tanpui zel a intiam thu Hmuaka chu a hrilh a, Vawk vulh tuten zangna dawmna an dawn kawngah lo enzui pui turin Pu Hmuaka hi alo ngen bawk a ni. Tin, Pu Rupala chuan a Ministry chan a Deptt hrang hrangte chu mipuiin eizawnna an neih theihna tur atan theih tawp chhuah chu a thil tum a nih thu Pu Hmuaka chu alo hrilh a, a Ministry chan hnuai atanga Mizoram mipuite a puih theihna atan kawng hrang hranga thurawn pe turin Pu Hmuaka chu alo hrilh bawk a ni.
Vanlalhmuaka hian Darshana Jardosh, MoS for Railways and Textiles changtu pawh hmuin Mizoram chhunga Railway hnathawh dan tlangpui leh Textiles Industry lama Mizoram dinhmun a sawipui a. Thenzawla puantahna hmunpui a tlawh tur chu thil lawmawm tak a nih thu hrilhin, puan tah tute harsatna chu a hmun ngeiah hmuhpui a tanpui ngei turin Hmuaka chuan Darshana Jardosh hi a hrilh a ni. Heng bakah hian Sericulture lama hmalakna leh Sericulture a Mizoram mamawh te pawh enpui tur leh Mizoram a Kuthnathawka ei zawng ten harsatna an tawh te chu thil siam that harlo tur a nih avangin, Mizorama a Ministry chan hnuaia kuthnathawk tute harsatna te chu enfiah puia an harsatna sutkian a nih theih ngei na tur a hmalak sak turin a ngen bawk a ni.