Mizoram Pig Farmer Association chuan vawk no man 7000 leh a sa man 400 tha a ti rih.
Vawiina thuchhuah an siamah, “Nikuma African Swine Fever hrileng avangin vawk no lei tur a vang a, a van avanga vawk no man tih san hi tha a ti lo a. Cheng 7000 ai toa hralh lo turin member te kan in hriattir e.
Tun dinhmuna vawksa man kg ah cheng 400 pawh hi a tha rih kan ti a.
“MIPFA chuan April ni 22,2022 khan AH & Vety Minsiter hmu in vawk culling zangnadawmna chungchangah sorkar laipuiin March ni 22 ,2022 a kan state sorkarin zangnadawmna a dil atanga a zatve a rawn tum sak tawh chu, Mizoram sorkarin a tum ve tur (matching share) a tum thuai a, vawk vulhtuten zanganadawmna an dawn thuai theih nan Vety Minister kan dawr a, Minsiter chuan theihtawp a lo chhuahpui tur thu min lo hrilh a, kan lawm hle a ni.
“Vawk AFS avanga thi, culling ve si loh pawh, zangnadawmna an dawn theih nan State Disaster Management & Rehabilitation ah aan thlen hmasa a, ‘disaster’ ah an puan theih tak si lo avangin, Planning Department lamah an thlen that thu Minister hian min lo hrilh bawk a ni,” an ti bawk.
