Ni 02.04.2022 (Inrinni) khan Central YMA leh Mizoram Volleyball Association (MVA) hruaitute chuan Inter Branch YMA Volleyball Tournament 2022 neih chungchang sawihoin meeting neih a ni a. He hun hi Central YMA Sports Sub-Committee Chairman Pu R. Lalrinmawia’n kaihruaiin, Central YMA aiawh mi paruk (6) bakah Volleyball Federation of India, Vice President & Senior Vice President, MVA ni bawk Dr. Lalmalsawma Nghaka hovin MVA O.B mi paruk (6) an tel bawk a ni.
Central YMA leh MVA hruaitute chuan uluk taka an ngaihtuah hnuin June 21, 2022 a ṭan tûrin Inter Branch YMA Volleyball Tournament hi neih ngei nise an ti a. Organising Committee dinin, a hnuaia mite hi chanvo nei tûra ngen leh beisei an ni –
*Organising Committee:-*
Chairman: Pu R. Lalrinmawia, Sports Sub-Committee Chairman, CYMA
V. Chairman: Pu Lalmawizuala, Vice President, MVA
Secretary: Pu Joseph Lalnunmawia, CYMA
Asst. Secretary: Tv. Johny Zonunmawia, Asst. Secretary, MVA
Members:
1) Sports Sub-Committee O.B, CYMA
2) Mizoram Volleyball Association O.B
3) O.B i/c, CYMA
4) Sports Sub-Committee CEC i/c, CYMA
5) Vice Chairman, Technical MVA
*_A hnuaia mi ang hian hriattirna tih chhuah nghal a ni-_*
Entry Fee: Team khat tan ₹ 500/-
Branch khat aṭanga (Mipa & Hmeichhia) tel kawp tan ₹ 800/-
Entry Fee pekna hmun: Central YMA Office, Tuikhuahtlang.
Last date of Entry: June 14, 2022.
Spike Off: June 17, 2022 @8:00pm (Central YMA Hall, Tuikhuahtlang)
Tournament ṭan ni: June 21, 2022.
Inkhelhna hmun: R. Dengṭhuama Multipurpose Indoor Stadium, ITI Mualpui, Salem Veng.
Mizoram hmun hrang hranga zohnahthlak unaute, ṭhalai Volleyball khel ṭhinte leh Mizoram pawn Group YMA te lo inbuatsaih a, he tournament ti hlawhtlingtu ni ṭheuh tûrin Central YMA leh MVA chuan thinglung takin he Tournament-a tel tûr hian YMA Branch tinte a sawm an ni.
