Vawiin khan Lalbiakthanga (65) Maubawk/Lawipu chuan Vanapa Hall kawtah Election Commission of India-in Mizoram Lagislative Assembly inthlanna neih mek Vote chhiarni atana December ni 3, 2023 (Pathianni) a rawn ruat chu a duh loh zia lantirna hun a hmang.
Lalbiakthanga hian Election Commission of India ah hian Vote chhiar ni hi sawn turin a lo ngen tawh a, Amaherawhchu, ECI lam hian chhanna pakhat mah an pek loh avangin Vote pawh thlak lovin lungawilohna hi a lantir a ni. Lalbiakthanga bakah hian Mizoram Kohhran Hruaitute Commiittee (MKHC) chuan vote chhiar hun hi sawn turin vawi hnih lai an lo ngen ve tawh bawk a. Hei pawh hi a chhanna an la hmu lo nia hriat a ni.
Lalbiakthanga hian ram leh hnam tan theihtawp a chhuah thin a, a langsar zualah chuan Bairabi Zophaia ramri chungchang buainaah khan telve in hliamte a tuar a. India Independence Day vawi 75-na pualin Hnam inlumngrualna thupuia hmangin Mizoram a fang chhuak a. Burma a Mizote tawrhna tawrhpui nan Zokhawthar thleng a kal bawk a. Hei bakah hian Manipur-a Zofate tawrhna tawrhpui nan kumin May thla khan Imphal thleng ke a kaltumin, mahse remchan zawkna a vangin Churachanpur thleng ke in a lo kal tawh bawk.
