Aizawl 18th May, 2024: Vawiin hian PC Party chuan Election Commission of India hnenah Mizoram Police mi 1,047 ten vote an thlak theih nana hma la tura ngenna an thlen.
Tuna MP thlan kallaiah hian Mizoram Police, state danga duty-a awm mi 1,047 te chuan vote an la thlak lo a. Heng miten vote an thlak theih nan hian Election Department lam pawhin hma an la a, mahse, tun thlengin vote an thlakna tur ruahmanna a la awm lo a. Vote chhiar hun a hla tawh lo hle bawk.
Tun Election process na ah, Electronically Transmitted Postal Ballot System(ETPS) hman a nih reng lai a, Mi 1,047 laiin vote an thlak leh thlak loh hi result tidanglam thei khawp niin PC Party chuan an hria a, an ngaimawh hle nia sawiin, vawiin hian Election Commission-a Principal Secretary SB Joshi hnenah hma la tura ngenna an thawn a ni.
