Kum 2023 June thla aṭanga hnathawk tura inbun ṭan tawh, SLT Infracon Pvt.Ltd. ten W.Phaileng to Marpara kawng siam hna an thawh mek chu, Dampa Bialtu MLA, Lalrintluanga Sailo chuan an hnathawh chin leh hmabak te, an mamawh zel tur enpui in a tlawha, ‘tun dinhmunah thawktu ten hna an thawk ṭha in an thawh chinah pawh sawisel tur a vang hle a ni’ tiin Bialtu MLA hian thawktute a fak a ni.
Bialtu MLA Lalrintluanga Sailo chuan, “He kawng siam tur hian thla hnih khat leka hlawhtlinpui theih a ni lo a, kum 2019 kumtir aṭang tawh khan, khawi aṭangin nge akawng kan zawn ang tiin, theihtawp chhuah in kan bei a, chutianga harsa taka kan beih hnuah vawiin ni a ahlawhtlinna hmel kan hmu thei tur hi kan lawm tak zet a ni. Thawktu ten hna an thawk ṭha hle in ka hria a, chutih rualin helai kawng chhawrtu tur zawng zawng pawh in hna ṭha a awm zel theihna turin thawktute i ṭawiawm ṭhin ang u. Tin, Kawngpui ṭha hi awlsam taka neih mai mai theih a ni lo tih hria i la, thilṭha kan neih reng theihna turin mitin te kan pawimawh ṭheuh a ni tih i hre bawk ang u.” a ti.
Pu Rintluanga Sailo, Dampa bialtu MLA hian Pukzing to Silsuri kawng siam tur leh, Hruiduk leh Silsuri a Hmunphiah Godown siam tur te a hmunah tlawhin a en nghal bawk.
