Vawiin khan Pu Lalduhoma Serchhip bialtu MLA chuan a bial chhunga Buangpui Branch YMA hnenah Lawngleng pahnih a pe.
Pu Lalduhoma chuan,”Buangpui ramchhungah hmun mawi leh hmingthang tak tak, mipui pawhin an hlut em em mai Tuirihiau leh Vantawngkhawhthla kan nei hi kan vannei em em a. Hei vawiinah pawh lui dung mar tha tak mai nakin zel ah pawh water sport atan te pawh a hman tlak khawpa chei tham kan nei reng mai a, khawtlang leh YMA hruaituten a luidung leh a chhehvel te tha takin in lo humhalha, a lawmawm hle a ni” a ti a. “Tunah hian MUP Mizo In sak an mamawh thu an rawn thlen a, chu chu tihhlawhtlinsak an ni dawn a ni.Tin, MZP ten library an mamawh thu an rang thlen bawk a, hei pawh hi a rang thei ang berin kan ti hlawhtling bawk dawn a ni” a ti bawk.
Pu Duha chuan,” Helai hmun hi Sawrkar laipuiin mi hriatpui tawh a, Ministry of Tourism in project lian tak, “VANTAWNG PROJECT” an rawn siam dawn a, cheng nuai tam tak project a ni a, helai hmun hian mipui tam zawk a hip theih nan kan chei dawn a ni” a ti a. ” Tunah Thenzawlah Golf course te, Dilpui te leh Welness center changtlung tak a awm tawh bawk a, helai bial hi tourism hmunpui a la ni dawn a ni” a ti bawk.
Pu Lalduhoma hian Thenzawl Vengthar YMA te hnenah Futsal ball 3 (pathum) leh goal net 2(pahnih) a pe nghal bawk.
