Pawlkut Thla ni 5, 2023 (Ningani)-a Central YMA Executive Committee (CEC) thukhawm chuan, Bangladesh atanga kan unau mahni sahimna zawnga Mizoram, India a lo lut ten harsatna an tawh chungchang a ngaihtuah a, hetiang hian thutlukna a siam :-
1. Pawlkut Thla ni 9, 2023 (Thawhtanni) chhun dar 12:00 hian Raj Bhavan Hmar lam Gate bulah kan unaute tawrhna hriatpuina atan mipui thutkhawm neih ni se, he hunah hian Mizo mipuite thawkchhuak theuh turin kan in sawm a ni.
2. Thih leh dam kara leng kan unaute, mahni himna tur nia ngaia India ram rawn pan ten ramri-a harsatna an tawk thin hi a pawi kan ti a, YMA chuan mihringte dikna chanvo hre reng chunga lo dawngsawng turin India Sorkar a ngen a ni.
3. Sahimna zawnga lo lutte mamawh, ei leh bar, mut lumna leh chenna turte ngaihtuah sak turin India Sorkar a ngen a ni.
4. Mahni sahimna zawnga Mizoram, India ram lo luh tumte zinga mi Pastor Sawmkhup, Bangladesh Tribal Baptist Church thihna hian YMA te a thawng tak zet a, tun hnuah hetiang hi thleng nawn tawh lo se YMA chuan a duh tak zet a ni.
