Tukin (July ni 28,22) dar 7:00-a Young Mizo Association, Khawthlangtuipui Group, Tlabung, Zodin, Chawnpui Branch Office Bearer’s Emergency Joint Meeting chuan, Lunglei to Tlabung NH 302 kawng laih mek chu, kawng a chhiat lutuk avangin hetiang hian thuchhuah a siam.
“Ni 28 leh 29, Vawkhniakzawnthla,2022 (Nilaithawhtanni leh Zirtawpni) ni hnih chhung hian Lunglei to Tlabung NH 302 kawng laih mek hi, a laitu NHIDCL leh a hnuaia thawkte’n a chhelai siam that hna an thawk lo a nih chuan an bungrua leh an chungah eng pawh thleng se, Young Mizo Association Khawthlangtuipui Group chuan an chungah mawh a phur lo vang.
“NH 302 kawng laih avanga leivung paihna mumal loh avanga kan lui tuite’n a tuar avangin, leivung paih pawh hi dan dik taka paih tura hriattir an ni bawk. Kawng chhiat avanga nunna hial chan ta Pu Lalmalsawma (Driver) Lunglei Ramthar leh Pu R Lalthantluanga, Chhipphir khuate pawh hi zangnadawmna NHIDCL hian pe ngei bawk se, kan ti.
“Ni 30, 7, 2022 (Inrinni) tukthuan ei kham dar 10:00AM hian YMA, Khawthlangtuipui group hnuaia branch hrang hrangte lehTruck Pickup Owner’s leh MaxiCab Welfare Tlabungte “HNATLANGPUI” koh a ni dawn a, member zawng zawngte’n ngaipawimawh turin kan inhriattirin, kan inngen a ni,” tiin an tarlang.
