YMA Telephone Directory 2022 Tlangzarh a ni:
Vawiin Ni 12.8.2022 (Zirtawpni) tlai lam dár 4:30 khan YMA Telephone Directory 2022 chu a mamawh apiangte hman theih turin Central YMA President, Pu R. Lalngheta’n Central YMA OB Room-ah a tlangzarh.
Kum 1 dana siam thin YMA Telephone Directory hi nikum 2021 kha siam thar leh hun a nih rualin hripui avangin siam a ni lo a, kumin 2022 hian siam thar leh a ni ta a ni.
He YMA Telephone Directory siam tharah hian Central YMA OB leh Central Executive Committee member-te mobile phone no. te, Central YMA hnuaia Sub-Committee member-te biak pawh theihna number zawng zawngte a awm vek a. YMA Sub Headquarters hruaitute leh Group hrang hrang hruaitute bakah kum 2022 chhunga Mizoram chhung leh pawna YMA Branch 816 a hruaitute mobile phone number te tarlan vek a ni.
YMA kaihhnawih telephone number bakah hian mipui mamawh hrang hrang Hospital & Emergency Services leh tul pawimawh dangte biakpawh theihna tur phone number pawh telh vek a ni.
He Directory hi Bu khat ₹100/- zela hralh chhuah tura ruahman a ni a. Central YMA Office-ah Office hun chhungin lei theih a ni ang.
YMA Telephone Directory 2022 hi Central YMA hnuaia Resources Sub Comtt. te buatsaih niin vawiin tlaia tlangzarh inkhawm tawiteah hian Central YMA OB te leh Resources Sub Comtt. hruaitu leh member te bakah CEC te an tel a ni.
