Budget Session neih mek vawiina zawhna leh chhanna hun tawp berah, Serchhip Bialtu MLA Lalduhoma zawhna chhangin Land Revenue & Settlement Minister Lalruatkima chuan, Four Lane a kawngpui siam mek, Vairengte leh Sairang inkarah zangna dawmna chu Ministry of Road Transport & Highways in package 3 ah cheng nuai 144,86,013.13, package 4 ah cheng vbc 121,32,18,960.49 pek ani tawh tih house a hrilh a, zangna dawmna hi package 3 ah mi 234 package 4 ah mi 200 hnenah pekchhuah anih tawh a ti bawk.
Aizawl South II bialtu MLA Prof F.Lalnunmawia zawhbelhna chhangin Aizawl West Bypass road siamna turah pass pek tum a nilo a ti a, tun dinhmunah freeze vek a ni a, order hi June ni 23,2022 khan chhuah a nih thu House a hrilh a, Surveyor indaihlohna phuhruk turin outsourcing tih tan anih thu leh tunah hian Saitual chu SEDP sum hmangin outsource tawh anih thu a sawi bakah surveyor 15 lak tum anih thu a sawi bawk a ni.
