Zaninah KTP khawmpui lian a tiak ang

Aizawl,May 8 : Mizoram Presbyterian Kohhran hnuaia Kristian Thalai Pawl (KTP) General Conference vawi 59-na neih zawh taka report tarlan danin KTP member nikum 2021 chhunga boral chhinchiah zingah mipa za a 84.64 % thi an awm, KTP member thi mi 456 chhinchhiah a ni a, chung zingah chuan Hmeichhia mi 70 awmin, mipa boarl hi mi 386 an tling a ni.
KTP General Conference neih mekah hian khawmpui palai member inziak lut mi 6818 bawr vel an awm a, vawiin Pathianni inkhawm chawhma lama neih ah mi 24,239 inkhawm awm in thawhlawm Rs 3,35,938/- a lut a ni. Chawhma leh chawhnuah khawmpui Speaker Revd Chuauthuama hnen atangin Conference thupui ngaihthlak a ni a, zan inkhawmah Synod Moderator Rev. Dr. Vanlalnghaka Ralte-in kum 2022 – 2024 CKTP hruaitu thar hlanna hun hmangin , CKTP Leader kal chhuak Rev. Vanlalmuanpuia Khiangte-in Pathian thuchah a sawi a ni.
KTP General Conference vawi 59-na Kolasib Diakkawn a neih zawh tak ah Inrinni khan rorel inkhawm neih a ni a, Kohhran Humhalh Chungchang zirtirna neih nise an ti a, Youth Recration Center din nan a thawhlawm thawh te rel in, Mihring neih in ang (Homosexuality) inkawp chungchanga hmalak na chu Kohhran hmalak mek na anih anga a hran a rel loh nise an ti bawk a, Myanmar raltlan chhawmdawlna chungchang pawh Synod hmalakna a nih vang in a hran a hma lak loh te an rel bawk a ni. Kum 2023 -2024 chhunga Kristian Thalai pawl KTP kumpuan thupui atan “Tawngtai tam” an pawm a, kum 2026 KTP khawmpui thlengtu turin Saitual thlan a ni bawk. Heng bakah hian kum 2022 -2023 chhunga Budget atan cheng Rs 6610000-/ an pawm bawk ani.
Kristian Thalai Pawl KTP Rawngbawlna report tarlan danin, tunah hian pastor bial 216-ah KTP Branch 891 an awm mek a, chung zinga branch 45 chu Mizoram pawn an ni. KTP member 1,57,830 awmin, mipa 97,542 leh hmeichhia 60,288 an ni a, kum hmasa 2020 aiin mi 2,977 in an pung a ni.
Kum 2021 chhung khan KTP member nupui pasal nei 3,836 an awm a, chung zinga 1,815 zaa 47.31% chu biak ina innei niin, pawn lama innnei 2021 zaa 52.69 an awm bawk a ni. Nikum chhunga KTP bial 216 te sum thawh chhuah belhkhawm chu Rs. 3,55,94,402/- a ni a, branch 891 te sum thawh chhuah belhkhawm chu Rs. 26,62,95,467/- a ni thung. Kum 2021-ah KTP member missionary a chhuak thar mi 48 an awm a, KTP member missionary-a chhuak mek 1,004 an awm bawk a ni.