Tunlai hian Cherhlun khua chuan fur zikhlum (Off season Cabbage) chu Cherhlun ram Zo-Zauah an seng mek a, a hralh ralna Rate chungchangah harsatna an tawh fo avangin a hmunah Horticulture dept Additional Director Pu Lalhhmingmawia Pachuau leh Officer ten Zikhlum sengpui pah in an tlawh..
Cherhlun khua hian kum 2019 atang khan fur Zikhlum hi an lo buaipui tawh a, kum tina uar chho zelin Kumin 2024 ah chhungkaw 42 in Zo -zau ah an ching a, tun dinhmunah Qtnl 600 vel thar tawhin, Qtnl 1000 vel thar tura an in beisei thu Zau Chairman Pu FJ Tumsanga chuan a sawi. Tuna tlangram a Organic system a an zikhlum chin hi kharchhawng te nen han in rem hleihtheihloh ni te an nei zauh thin. Horticulture dept hotuten Rs 40/- in lungawina anga an lak dawn loh chuan Supply chain in dept in kan lo buaipui mai ang an tih hnuah kharchhawng te nen Kg ah 40/- in an in rem thei ta a. Farmer te an lawm hle .. Cherhlun in an zikhlum buaipui hi Hnahthial Horticulture dept ten a chi an pek niin Ryzoki variety a ni.
Dr. Vanlaldiki Deputy Director Horticulture dept a hmun a enpuitu chuan, “Damdawi hi hman loh tum ngar ngar tur, bul 100 ah sawmhnih vel zel hisap te ah rannungin a bei anih loh chuan damdawi lakah hian a him hle tur a ni. Loh theihloh a hman alo ngai anih pawh in Mithiam ten dose an chawh ang leh pek hun tur an sawi te zawm hram hram a tha. Cherhlun ten damdawi pakhat mah in hmang lo hi in fakawm hle a ni,” a ti bawk.
