Zirlai naupangte hnenah Kut silfaina Rotary Club ten hlan

Sikul naupang ten an Sikul a fai taka an kut te an silfai ho theihnan, Rotary Club of Aizawl chuan vawiin khan Washing station, Govt Salem primary sikul, Salem veng hnenah an pe.
Rotary Club of Aizawl chuan Washing Station leh Tui Thianghlim in tur naupang ten an neih theih nan Aibawk leh Rangvamual Government Sikul ah a lo hlan tawh a. Salem bakah Chawngte ah pawh tun Thlaa bun turin Rotary Club hian hma a la mek bawk.
President Rotary Club of Aizawl, Rtn. Zothantluanga chuan nimin khan a huhova Kut silfai na washing station chu Govt.Salem Primary Sikul hnena an Sahbawn chawpin a hlan.
Heng washing station leh Tui herh chhuaha kut silfaina leh Sahbawn te thlenga Mizoram sikultea a pek theihna chhan hi Rotary Club of Aizawl leh Rotary International District 3240 in zawmna leh tan ho na vang a ni.
Naupangte, an tet lai an Sikul kaina a Natna inkai theihna laka in venna tur a kut silfai pawimawh na lo zirtir a, Chawei hma leh hnu leh in thiar zawha kut fai taka sil pawimawh na chiang leh tha taka lo zirtir a ,dan pangngai an neih chhoh a, Chungkaw leh khawtlang hrisel zawk lo neih chhoh hi Rotary Club thil tum pawimawhte zinga pakhat a ni .
Rotary Club hi 1992 ah Aizawl a din niin Rotary International, Khawvel a Tlawmngai Pawl lian ber nen hian a in zawm a. Rotary Club hian Khawtlang sum leh pai a a lo hmasawn na turte, Hrisel na lama khawtlang a lo hmasawn zel theih na leh, Ram muang leh in nghirnghona awm lova Ram a hmasawn zel theih nan leh kan Environment leh Boruak te a bawlhhlawh zel loh nan leh thil dangah te pawh hma a lo la thin. Tun hnai te a pawh Rotary International Global Grant chu Aizawl Adventist chuan dawngin Nu leh nausen leh naupang enkawlna a lo changtlun theihnan Rotary international chuan Gas leh Vacuum pipeline leh Neonatal Ventilator leh Laparoscopic system te bun na tura tanpuiin chung khawl leh hmanrua te chu bun fel niin official taka tlangzarh tur a ni .
Rotary Club Aizawl President Rtn. Zothantluangan Washing Station hawnna a neih hnuah Kut silfai dan dik Vice President Rtn. Dr. Eileen in Naupang te a zirtir a ni.