Aizawl 16th August, 2023:
Vawiin ni August 16, 2023 (Nilaini) hian Dr. Vanlalthlana, MLA, Aizawl North chuan a bial chhunga Middle School zirlaite tana lemziak-bu (Comics) Pu Vanneihtluanga leh Pu C Laizawna te buatsaih a sem. Bialtu MLA Dr. Mathlana hmalaknain MLA fund hmanga lemziak-bu (Comics) semna hun hi Pu Lalrothianga, Block President, ZPM Aizawl North-II in a kaihruai a, comics chhung thu ziaktu Pu Vanneihtluanga’n buatsaih a nih dan te a sawi.
Dr Mathlana, Bialtu MLA chuan, he lehkhabu hian zirlai naupang te hnenah rah tha a chhuah a beisei thu leh a remchan chuan, a tul ang zel a lemziak-bu dang buatsaih leh tura hmalak a inhuam thu a sawi.
Lehkhabu sem inkhawmah hian Aizawl North II huam chhunga Middle School zirtirtu aiawh te telin anmahni school-a zirlaite hnena sem tur an dawng a. Zirtirtu ten bialtu MLA nachang hria an nei hi lawmawm an tiin lawmthu an sawi a, bialtu MLA hi Aizawl North II ZPM block hruaitute’n an tawiawm a ni.
