Government Hrangbana College Students Union chuan sorkara an thilphutte naktuk, February ni 6 ral hma ngei a tihhlawhtlin a nih loh chuan tiam chin awm lova lungawi lohna lantir an tum.
Govt. Hrangbana College SU chuan thuchhuah siamin an college zirtirtute siksawi a nih dan chungchangah sorkar thuneitute vawi tam tak an lo biak tawh thu leh an mamawh chhanna an hmuh loh avangin an lungawi loh thu an sawi a. An college-ah hian College-ah hian zirlai 2,234 awmin zirtirtu 68 an awm a. Tun hnaiah zirtirtu 6 sawn chhuah tur a tih an ni a, an post ruak hnawhkhat turin zirtirtu 3 chiah dah tura tih a ni, an ti a. Tun dinhmunah hian Subject then khat zirtirtu Professor pahnih pension tur an awm a, kuminah hian Professor pension tur eng emaw zat an awm bawk a ni, an ti. College dinhmun zir chiang lova zirtirtirtu sawn tura ruahmanna awm chu an duh loh thu an sawi a ni.
