Aizawl March 12 : Vawiin Dar 12 :00 khan Zo United Defence Front ( ZUDF) President Pu Ngurthansanga Sailo chuan Aizawl Press Clubah Press Meet neiin ZUDF kalphung leh hmalak dan tur te Chanchinthar lakhawm tute hnenah sawiin, kan Hnam, Ram leh Mipui te dinchhuah nan hmalak angai a, hei hi hun reitak atang a hma lo lak anih tawh thu leh Sept. 6. 2021-ah ZUDF chu mithahnemngai leh helam a ngaihtuahna hmang tuten an din tak thu a sawi.
Zawhna chhangin Pu Sangtea ZUDF President chuan Corruption dona kawngah Sorkar Agency ten hma la thin mahse Mipuite chanvo, a dawngtutur ten an dawn phak tak tak loh thu leh “PRISM he lam a hma la tu ber lah Political Party-ah inletin tunah atak hmuhtur an awm ta si lova, keini talin hma kan lak a ngai dawn ta a ni “ a ti.
“NGO tha tak tak an awm a, heng te hi kan duhkhawp lo nilovin an hmalakna hrang hrang a theihtawp a lo tawiawm a, an tan a hmalak remchiahlo te alo awm thei a chungah chuan ZUDF chuan huaisen takin hma ala chho dawn a ni “ a ti bawk.
Pu Sangtea chuan, “ ZUDF-ah hian mithiam, upa thluak fim zawk te leh chakzawk a hmala tutur an la rawn kal zel ang a, kan ram siam tha a, Zofa te tan khawvel pum a hma la tur hian he ZUDF hi akal zel dawn a ni a” ti. a, “ Pu Sangtea chuan ZUDF chu Political Party a inhnamhnawih nilovin, eng Party mi leh sa pawh, Sorkar hnathawk te, an telvek thei a, he Pawl-ah hian mi tupawh tel theih a ni a, Zo fa te atam thei angber lo tel a, hmala ho turin kan sawm tak zet a ni, “ a ti
He Press Meetah hian Pu Ngurthansanga Sailo chuan ZUDF kalphung leh thiltumte Press Statement siamin a tarlang a.
Zo United Defence Front hi hun reitak atang tawh khan Zofate Zaikhat a luanza leh inpuihtawn a, khawvel a Zofate hmasawnna leh himna, thawh hona tha nei tur a rilru ngaihtuahna seng tuten an lo ngaihtuahin an lo sawi ho tawh thin a, tichuan Sept. 6th, 2021 (Wednesday ) chawhnu Dar 12 :30 a thukhawm chuan Zo United Defence Front (ZUDF) hi Zo hnahthak te himna, thawhhona, leh tanrualna atan a lo din ta a ni.
Pawl Thiltum te chu :
- Zohnahthlak hnam hrang hrangte ram leh hnam, nunzia humhalhpui
- Zohnahthlakte zingah mahni intodelh thei tur leh hmasawn thei tura taimak leh tumruhna inzirtir
- Zohnahthlakte nunphung leh tihdan (Culture) in humhimpui
- Dan hmanga Zohnahthlakte humhim
- Ram dan bituk anga khua leh tuite Fundamental Rights kenkawh
- Zohnahthlakte tawng leh zia humhalh
- Zohnahthlakte inunauna leh hmasawnna thlentir. ZUDF hi Non-Political Organisation a nih angin Political Party tumah huat bik leh tanbik a nei lova, Zofate himna leh hmasawnna tur kawnga a theih ang ang a hmalak a tumber a ni. Hemi atan hian a tul angin hma ala zel dawn a, hemi atan hian Zofa tu pawh thawhpuiah a sawm a, tupawh an leng vek a, ZUDF a member ni duhtan Rs. 100/- in member a nih theih reng a, Annual Fee-ah Rs. 100/- a ni bawk. A chung a ZUDF thiltum tarlan te khi chaktaka tihhlawhtling tur a hmalak tur a ni a, hemi kawngah hian Zofa te tan a ngaihtuahna seng tute chu ZUDF in a sawm reng a, an theihna te, finna te, thiamna te inpekna te a thlahlel em em a ni.
ZUDF hian hnathawhtur hmabak tamtak a nei a, atul ang a Zofate himna leh hmasawnna tur a ke a pennaah Zofa ni tawhphawt te chu min thlawp thin a, min thawhpui tlat tur leh Media te pawh inthahrui chaktak a mipui zirtirna kawngah hma min lakpui turin kan sawmin kan ngennghal bawk a ni. ZUDF hruaitu (Adhoc) te chu :
President : Pu Ngurthansanga Sailo
Vice President : Pu Lalsandam Hmar
General Secretary : Pu L.T.Sanga
Secretary i/c Establishment & Organisation : Pu R.K.Rintlinga
Treasurer : Laldinliana Sailo
Secretary i/c Finance : Pu J.V.Pahlira
Sr. Adviser : Pu Lalmalsawma Darngawn
