Mizoram Pradesh Congress Committee Treasurer leh Thorang bialtu MLA nibawk Zodintluanga chuan, a bial chhunga khaw hrang hrang fang mek in, vawiin khan Rotlang West khua Golden Jubilee lawmna a hmanpui.
Zodintluanga chuan Golden Jubilee lung phun a hawn hnuah, thu sawiin, Rotlang West chu a pa Pu Rothangpuia pawh in a khaw dintu zing ami hiala a in ngaih thu leh an chhungkua pawh in Rotlang West chu an inti tatu hle thu a sawi a.
He khua in kum 50 hial tling a, Golden Jubilee ropui taka an lawm thei chu a lawmpui thu leh Rotlang West chu la thang zel tur a nih thu a sawi a. Khua a changkan a, hma a sawn zel na tur chuan, a chhung a cheng te an in lungrual a ngai a. Kohhran, NGO leh Political Party te pawh khawtlang in hma a sawn na tur a nih chuan, lungrual taka ke an pen ho theih a pawimawh ber a, Golden Jubilee hian Rotlang west kawtlangah malsawmna nasa tlak thlen turin duhsakna an hlan bawk.
Rotlang West Golden Jubilee lawmna inkhawm hi, Rotlang West BNRGSK hall kawt a neih niin, Golden Jubilee Committee Vice Chairman Lalremruata’n a kaihruai a, kual zahawm Rev. Lalzuitluanga pawh in thu a sawi bawk a ni.
Rotlang West khua hi in 163 niin, mihring 782 an cheng mek a, VC member 3 awmin, Kohhran 3 an awm mek bawk a, Lunglei district chhung a awm niin, Lunglei atanga KM 41 a hla-ah a awm a ni.
