Ni 7.9.2023 (Ningani)-a Central YMA Committee Room-a NGO Coordination Committee, Mizoram kaihhruaina hnuaia Manipur-a Zohnahthlak pawl hrang hrang hruaitute inhmuhkhawm chuan
inlungrual takin pawl pakhata an inkhaikhawmna tur ‘Zo United’ tih hminga kalpui phawt an rel.
Pawl hrang hrang aiawhte chuan tun dinhmuna Manipur-a Zohnahthlakte zingah inpumkhatna leh thawhhona tha tak a awm theihna turin, tun dinhmunah ‘Zo United’ din phawt nise an ti a, September Ni 20, 2023 hmain hruaitu pawh inruat fel nise; hruaitu inruatnaah hian hnam hrang hrang (Inpui/Inpi) leh tribe aiawh pakhat theuh leh Indigenous Tribal Leaders Forum (ITLF), Committee on Tribal Unity (COTU) leh Hill Tribal Council (HTC) aiawh mipakhat theuh telin hruaitu inruatna hun hi hman nise an ti.
Inpumkhatna tura pawl din ‘Zo United’ pawl hming hi hnam bil hming chawia phuah ni lovin Zohnahthlakte inpumkhatna tur leh an thawhhona tur chauh a hming phuah a ni.
Inhmuhkhawmah hian Manipura Zo hnahthlak pawl hrang hrang inthlunzawmna tura pawl lo ding tawh, engemaw avanga ding mumal ta lo pahnih – Coordination Committee on Separate Administration Manipur (CORSAM) leh Joint Inpi Council (JIC) te chu thiah nise tih a ni bawk.
He hunah hian Manipura Zohnahthlak pawl hrang hrang aiawh 16 leh MLA 6 an tel bawk a
