4/12/2024:: Nizan dar 7 khan MZP huaihawtin Zo Hnam inkhawmpui Zofest 2024 chu W. Phaileng “Lalbuanga Sailo Rûn” ah neih ṭan a ni.
Zofest 2024 thupui atan “Hrui khat vuanin” tih hman a ni a. Ni 6 December, 2024 thleng neih a ni ang.
Zofest hawnna inkhawmah hian, MZP President Pu H Lalthianghlima chuan meichher det-in hun a hawng a. Zofate inkarah inunauna ṭha a awm theih nan Zofest hman a nih thu leh hrui khat vuana hmalam pan turin ke i pen ang u a ti.
Zofest 2024 ah hian, India state hrang hrang, Myanmar leh Bangladesh atangin Zofa chi pêng hrang hrang an tel a. An hnam lam leh zai an entir bakah, an thuam leh incheina an entir dawn a ni.
Vawiin 4 December, 2024 hian Pu Lalduhoma Chief Minister chu khuallian a ni ang.
Zofest hi kum 2002 khan Lamka-ah neih ṭan a ni a. Kumin Zofest hi a vawi 10-na a ni.
