Vawiin khan Bangladesh buaina avanga Mizorama sahmina zawnga tlanchhia te nawr let an nih chungchangah Central YMA chuan Bangladesh a Zohnahthlak te thlavang hauh nan Raj Bhavan Hmar lam Gate bulah punkhawm an huaihawt.
He hunah hian Central YMA General Secretary Prof. Lalnuntluanga chuan report pe in, Bangladesh sipai kut tuar tlansana, Mizoram rawn lut te leh, lo luh belh tum dangte nawr let an nih dan a sawi a. Heng Zohnathlak unaute thlanvang hauaha mipui thahnem tak an pungkhawm chuan hnam inpumkhat kan nih zia a ti lang tih sawiin, Manipur lama Zohnahthlak te pawhin an thlawp zia tih lan nan thuchhuah an siam chu lawmawm a tih thu a sawi bawk a ni.
Central YMA President R Lalngheta pawhin thu sawiin, ram hruaitute chu Zo hnahthlak unaute mangang thlabar te dinhmun hre chiang tura a hmun kal ngei tura a duh thu sawiin, Chief Minister leh MP te pawhin theih tawp chhuah mahse nasa zawka tan lak a ngaih thu a sawi a, Union Home Minister Amit Shah-in Mizo battalion BSF din a tiam ang ngeia ramri a duty tur Mizo battalion din sak turin India sawrkar a ngen bawk tih a sawi.
Bangladesh Zohnahthlakte Thlavang Hauhna – punkhawmna hun ah hian Raltlante tanpuina tura mahni remchan ang ang pawisa thlakna tur bawm hun a ni a, mimal leh pawl hrang hrang atang sum engamaw zat a lut a. He hunah hian resolution pahnih ; Sahimna zawnga Chittagong Hills Tract Bangladesh atanga Mizorama kan unau raltlante hi India sawrkar-in mihring dikna zah sak a sahimna an hmuh theih nan ruahmanna siam turin kan phut tlat a ni, tih leh Sahimna zawnga ran tlante mamawh ngaihtuah sak turin India sawrkar kan phut a ni. tih chu an pass a. Punkhawmna huaihawt zawh hian Central YMA hruaitute chuan Raj Bhawan ah kallin Union Home Secretary, Ministry of Home Affairs lehkha tur an thehlut nghal a ni.
Vawiina Central YMA-in Zohnahthlakte thlavang hauhna hun a buatsaih avang hian Party hrang hrangte chuan Party office hawn hun an ruahman lawk chu ti danglamin, nautk hian an party office te kum 2023 atan an hawng tan ang.,
