Zomi Innkuan USA (Zomi Community USA) chuan thuchhuah siamin, “May 2, 2024 khan Zomite chenna area ah Chin National Army (CNA) te lut in buaina nasa tak an siam a, khua thenkhat, a bik in Muallum leh Ciingpikot khua ah phei chuan a khua mipuite raltlan hialin, ramhnuai ah riltam leh hlau in ni tam tak an in saseng a. Tunthleng a haw leh ngamlo pawh an awm bawk.
“Pathian khawngaihna zar ah Zomite nasa taka tihchhiat tuma rawn thawk tute thiltum a hlawhtling lova. Zomite rilru nasa takin a kaitho in a thanharh tir thung. Khawvel hmun tina awm Zomite thinurna namenlo in a chawktho bawk.
“CNF te kut tawrhna hi tunhma kum 20 chuang zet atang tawh khan ani a, Zomite’n rilru puitling pu in phuba lak ahnek in an ngaidam zawk thin a; mahse sim a hneh in an pawrta zawk mah emaw tih tur a ni. Hei hian intibuailo a thlamuang taka chenho dialdial duhtu Zomite rilru a tina in, hriatthiam har kan ti ta hle a ni. Remna leh muanna duhtute zawng zawng chuan CNF te chet dan hi nasa taka dem tur ani ngei ang le.
“CNF ten tar leh nunau ti thlaphang zawnga ralthuarn nen Zomi area a an rawn lut fo mai hi pawi kan ti in kan dem tak zet a ni.
“Zomite hi remna leh muanna duh hnam kan ni a; thlamuang taka mahni area theuh a chen leh khawsak tha kan ti ber. Tumah kan va tibuai ngailo a, kan va run ngai hek lo. Mihring nunna hlut lo taka tih boral duh hnam kan nilo bawk.
“Zomi Innkuan USA (The Zomi Community of USA) chuan Zomite thlavang a tul ang zel in a hauh dawn a ni,” tiin an tarlang.
