Excise and Narcotics Department chuan Heroin gram 900.600 (Hawng 75) Heroin an man.
Excise and Narcotics Department, Champhai District chuan 27th September,b2024 (Zirtawpni) tlailam dar 5:30 khan New Champhai-ah Heroin 733.600 (Hawng 61) chu Bolero Pikup MZ 01-X 9894 aṭang in an man a, Hemi kaihhnawihah hian motor khalhtu Lalhunrenga (40) s/o H.T.Sanga New Champhai-a khawsa nia inchhal chu a hmunah man nghalin ND&PS Act 85 hnuaiah thubuai siamsak a ni.
Lalhunrenga hi Court-ah hruai nghal a ni a. Heng Heroin te hi Mizoram ramri dep Zorinpui aṭanga Bangladesh-a thawn tura ruahman mek a ni.
Dt, 28th September, 2024 (Inrinni) chawhma dar 10:00 khan Republic Veng, Hmawngkai motor silna hmunah Excise & Narcotics department, Anti-Narcotics Squad te chuan heroin gram 141 (Hawng 12) leh a neitu nia puh – Lallawmkimi (33)bd/o Lalngilneia, ITI Vengthar, Aizawl chu an man. Heng herointe hi Champhai lam atanga lokal, chawhmeh kara thuhruk a ni.
Excise & Narcotics department, Anti-Narcotics Squad leh CYMA Kumpuan Committee thawkdun chuan 28th September, 2024 (Inrinni) chhun dar 12:05 khan Aizawl Central Jail bulah heroin gram 26 (Hawng 2) leh a neitua puh mi pahnih – David V.L. Nghaka (26) s/o B. Lalnuntluanga, Central Jail Veng leh Lalhrilliana (22) s/o Lalremtluanga, Kolasib (Rengtekawn), tuna Rangvamual Mel 3-a khawsa mek nia inchhalte chu an man bawk.
