ZORO General Headquarter hruaitute chuan vawiin khan Chief Minister Zoramthanga chu a Pisa ah kawmna hun an nei a, Chief Minister hnenah hian March 2023 thla tir lama Zofate Inkhawmpui Lian (Zofa Convention) neih dan tur chungchang sawipui a ni.
Chief Minister hnenah hian Zo Reunification Organisation(ZORO) chu khawvel hmun hrang hrang (India, Myanmar, Bangladesh.etc)a awm Zofate kan insuihkhawm a, lungrual taka kan awm a, rorelna pakhat hnuaia kan awm theih nan a hma la tu pawl a ni a nih thu te, Zofa ten kan chanvo dik tak kan chan theih nan UNO thlengin ke lo pen tawh tu kan nih thu te, Zo Reunification Organisation (ZORO) committee sang Executive committee meetingin a lo rel tawh angin khawvel hmun hrang hranga Zofate inkhawmpui lian (Zofa Convention) buatsaih kan tum thu te, He huna hian Khawvel hmun hrang hrang a Zofa awm te sawm khawm tur an nih thu te thlen a ni a.
Zofate inkhawmpui lian (Zofa Convention) buatsaih ZORO in tum chhan chu British Sorkar in keini Zofate thendarh a awm te rorelna pakhat hnuaia kan awm khawm leh theih na tura, Chin Lushai Conference hmanga, a lo ruahman a tih puitlin tak lo chu tipuitling tura ngaihtuah ho turin convention neih tum a nih thu thlen a ni a. Chief Minister Zoramthanga chuan theihtawp chhuah a hmalakpui a tum thu leh a hlawhtlin ngei theih nan ZORO hmalakna chu a lo enzui tur thu a sawi a ni.
