Zotrek Adventure Club chuan an lo ruahhman lawk tawh angin khawvela sandstone cave thui ber, km 24.5 a thui Krem Puri, Laitsohum Meghalaya ami chu hlawhtling takin October 23 khan an lut chhuak a, he cave expedition member 30 te an lut a ni.
He expedition ah hian Laitsohum Tourism Development Society guide mi pali in an tel pui a. Puk hi zing dar 7 ah lut tanin zan dar 8:30 ah an lut chhuak thei a ni.
Guide te nen a sawi ho in, he cave a lut tawh zingah Mercy Lalpekhluii, Zarkawt, Zotrek member chu he cave lut chhuak tawh zinga naupang ber nia hriat a ni.
Puk luh chhung hian harsatna liantham tawk an awmlo a, member pakhat oxygen thlachham a buai deuh an awm a, amaherawh chu hahchawlin reilote ah ngai a awh leh thei a ni.
Zotrek Team hian puk zawn chhuah leh teh lama kum 20 chuang hma lo la tawh tu, Brain D Kharpran Daly chu a chenna in Shillong ah appreciation certificate an hlan nghal a. Kharpran hian Tenzing Norgay National Adventure Award pawh lo dawng tawhin, Krem Puri International Team in kum 2018 a survey an neih lai pawha lo pui tu a ni bawk.
Zotrek Caving Team hian October 25 khan Aizawl an lo thleng leh tawh a ni.
Zotrek Adventure Club chuan an programme hlawhtlin theih nana hma lakpuitute chungah lawmthu an sawi a ni
