Bethlehem ZPM Unit pathum Joint O.B-te chuan, Aizawl South I bialtu MLA Pu C.Lalsawivunga’n rangva a pêk hmangin chhungkaw 5 hnenah an inchung thawm ṭhatna tur rangva an lo sem tawh a, chung zinga chhungkaw khat chu tukin khan Bethlehem Veng-a ZPM unit pathum Joint O.B-te chuan an inchung rângva hnatlângin an thlâk sak a, Bethlehem Unit Joint O.B mi 10 chuang lai thawk chhuâkin inchung rangva thlâk hna hi an thawk zo thei a ni.
ZPM Aizawl South I block chuan, “Hetianga mi harsa zawkte ṭanpuina kawnga bengvâr leh zam ṭha MLA leh unit hruaitu kan nei hi thlamuanthlâk kan ti a, an thiltih dan hi a kalphung thar zia hlein kan hria a ni,” an ti.
