ZPM party a thuneitu sang Political Affairs Committee (PAC) member nilai pahnih Pu VL Remruatpuia, Tlangnuam leh Pu Lalsanglura Ralte, Ramhlun South te chuan ZPM chu telve zelna tlak a ngailo in Inrinni khan banna an thehlut.
ZPM PAC member pahnihte hian banna lehkha an ziah ah, ZPM chu mipui bum tum a kal mai mai nia an hriat thu an sawi a ni.
1. “ZPM ah mipuite ngaihdam theihloh tur kalphung hlui tam tak inphum a awm a ni.”
– VL Remruatpuia
ZPM, PAC member
2. “Kan chuanna motor hian ka kal tumna lam a pan tak loh avangin ka chhuksan a lo ngai ta a ni.”
– Lalsanglura Ralte
ZPM, PAC member
