Aiawl 1st June, 2023: Vawiin June ni 1, 2023 – a ZPM PAC Meeting chuan Manipur buaina chungchang ngun takin a ngaihtuah a. “He buaina hi Meitei leh tlang mite inkar mai ni lovin, Manipur sawrkar leh tlang mite inbeihna a ni a. Manipur sawrkar chu buaina ching feltu ni lovin, a Police Commando te hmatawngah kaltirin buaina siamtuah a tang hial a. Chutih laia Central sawrkar a che muang lutuk te, raltlante tana Rehabilitation Scheme a kalpui muang lutuk te hi demawm kan ti.
“Meitei leh tlang mite hi engti kawng mahin rorelna pakhat hnuaia awm zui chi an nih tawh loh avangin, Separate Administration siam sak thuai turin Central sawrkar kan ngen a ni.
“Zirlai tam tak an zirlaite chhunzawm thei lo an awm a. Heng miten an zirlai an chhunzawm theih dan tur a theih ang anga ruahmansak thuai turin Mizoram sawrkar kan ngen bawk a ni.
“Manipura kan unaute tanpui nan party chhungah bawm hun nise kan ti a. Sum leh pai mai bakah, thawmhnaw thlengin a thei theiin thawhkhawm turin party mite kan ngen a ni,” tiin thuchhuah a siam.
