ZPM Thalai chuan, “Asia khawmualpuia Ram hrang hrang India, Japan, Malaysia, China, Thailand leh South Korea ten Hockey hmanga an in elna Women’s Asian Champions Trophy (2024) ah, India ram I Champion-pui thei hi ka Chhhuang che a, Infiamna khawvela Mizoram tihmingthatu ni zel tur leh hlawhtlinna sang zawk chang zel turin duhsakna sangber ka hlan a che,” tiin Lalremsiami Hmar chu an lawmpui thu an sawi.
Lalremsiami Hmar hian India ram tân game 150 khel tling tawhin, Goal 40 India tan khung tawh a ni.
Asian Champions Trophy 2024-ah hian India leh China chuan nimin 20th November 2024 khan Final an khel a, India hian 1-0 in hnehna an changa, inkhelah hian Mizo nula Lalremsiami Hmar chu Player of the Match ah thlan a ni nghe nghe a ni.
Champion Team India hian 2026 Winter Olympic khel turin an inhlangkai nghal bawk .
ZPM Thalai President Jeje Lalpekhlua, MLA chuan, “Indian Women Hockey team innghahna player pawimawh tak i thei hi, ka lawmpuiin ka chhuang takzet a ni,” a ti bawk.
