“Opposition Party hruaitute te hian Ram leh an Party memberte an hmangaih tak zet a nih chuan thudik tluantling hrilh thin turin ZPM Thalai chuan kan chah duh a ni,” tiin ZPM Thalai chuan thuchhuah a siam.
Thuchhuahah chuan, “MPCC President Pu Lalthanzara’n 15th May 2025 a Lungpho khua a ZPM Sawrkarin Sawhthing a leina SCC a tlawhna ah “MLA inthlan hnuhnung bera BJP ten ZPM Candidate te sum leh paia an puih avangin he sawrkarah hian phut let an nei lian” tia dawt a vawrhdarh kual ta mai hi ZPM Thalai chuan pawi a ti hle a, MLA inthlan hnuhnung bera BJP in sum leh paia ZPM Candidate te a pui tih finfiahna Mizo mipui te hmuh a pho lang ngei turin kan phut a, finfiahna a pholang thei lo a nih chuan thu diklo theh darh tura zin kual tawhlo turin ZPM Thalai chuan kan chah duh a ni.
“MPCC President hian ‘Kuthnathawktu, Sawhthing chingtu ten an thawhrah an seng thei lo’ tiin a lainat thu a sawi a, kum 20 chuang Mizorama Sawrkarna chelh tawh MPCC te hian tun ataka Sawhthing chingtute an lainat thar ta thut hi ZPM Thalai chuan mak kan ti a, an Sawrkar chhung khan NLUP ah ringawt pawh Vaibelchhe sang tam tak hmangral siin Kuthnathawktu te thlai thar engzat nge an leisak tih hi ZPM Thalai te min chhang let turin kan ngen a ni.
“Opposition Party te hian ‘ZPM chu a insawi angin a awmlo’ tiin mipui hmaah vawi tam an sawi thin a, ZPM chuan a insawi ang ngei in leh “Kan danglam bik dawn” a tih ang ngeiin kan sawrkar tuk atangin kan Policy “Thlai thar lei” kan bawh zui nghala, 5th December 2023 ah ZPM Sawrkar chu lak luh niin, ni thum lek sawrkar na a siam hnu 8th December 2023 ah Hand Holding Policy a Thlai thar leina tur vbc. 110 a DAH nghal a, FY 2024-25 ah Hand Holding atan vbc.200 dahin, FY 2025-26 Budget ah vbc. 350 a dah bawk a ni. Danglam bik ZPM Sawrkar chuan a intiam ang ngeiin Kuthnathawktute Sawhthing a lei mek zela, tun dinhmunah Quintal 113,627 lei tawhin, Kuthnathawktu te Bank Accounct ah Sawhthing chingtu tan vbc. 58.08 lai mai ZPM Sawrkar chuan a thun tawh a ni.
“ZPM Sawrkar chuan kan Ram leh Hnam dinchhuah na tur tak tak a ngaihtuah a, Party bil sawrkar nilo, mipui huap sawrkar din a tumna kawngah hian Mizoram mipuite thlawpna leh thurawn a mamawh reng dawn a ni.Kut hnathawk tute tan hian Sawrkar hi a ding zel dawn bawk a, a thu mai a hmangaihtu der nilo a, a taka hma la thin Chief Minister Pu Lalduhoma kan nei hi ZPM Thalai chuan kan ring tawk a ni,” tiin a tarlang bawk.
