ZPM Thalai chuan, “August ni 12, 2024-a Ministry Of Education hnuaia National Institutional Ranking Framework (NIRF)-in India ram chhunga College hrang hrangte tehfung hrang hranga an teh hnu a, ranking an tihchhuahah Pachhunga University College in 35-na dinhmun a hauh leh Northeast College dang tam tak zingah top 100-a lang thei college awmchhun a ni hi ZPM Ṭhalai chuan kan lawmpuiin, chhuanawm kan ti tak takzet a ni,” an ti a.
Vawiina thuchhuah an siamah, “Kum thum ngawt mai a zâwn a India rama college ṭhazual NIRF-in a thlanchhuah ah Pachhunga University College top 50-ah a lang thei hi ropui kan tiin; Principal, Teaching staff, Non-Teaching staff te leh zirlaite inpekna leh thawhrimna te, an thawhhona ṭhatzia te hi ZPM Ṭhalai chuan Fakawm ati tak zet a. Hun lo kal zel turah Mizoram tana rotling ni zel tur leh kawng engkimah mizoram hmasawnna min thlentu ni zel turin ZPM Ṭhalai chuan PUC te duhsakna kan hlan e,” an ti bawk.
