Vawiin khan ZPM Ṭhalai chuan, “Mizoram rorelna in sâng ber Assembly House-ah infiam mite thlavâng hauha nasa taka au chhuâk ngam Pu Lalduhoma, ZPM Leader chu ZPM Ṭhalai chuan kan chhuang a, infiam mite’n hliam an tawrha ngaihthah an nih ṭhin avânga hun rei tak chhûng infiam mite hreawm leh inthlahrung reng renga an awm laia, infiam mite tâna ding ngam Leader kan nei hi a thlamuanthlâk kan ti hle a ni,” an ti.
ZPM Thalai chuan, “Assembly session-ah Miriam Lalnunsiami nen phone-a an inbiak loh thu sawia sport minister berin dawt a sawi kha ZPM Ṭhalai chuan pawi kan tiin, infiam mite phatsanna ah kan ngai a, assembly house-ah sport minister berin infiam mite a phatsan ta mai khan Zoram mipui a barakhaih hle; Pu Lalduhoma’n a thiam lohna pawmin patling takin Pu Robert Romawia Royte ngaihdam a dil a, ‘Nl.Miriam Lalnunsiami nen phone in kan inbe lo’, titu Pu Robert Romawia Royte hi Nl.Miriam Lalnunsiami nen an inbiak ngei si avang leh, dawt a sawi chuan ban hial a inhuam avang leh Deputy Chief Whip Pu Lalrintluanga Sailo duh dan ang ngeiin Pu Robert Romawia Royte hi a thusawiah dinga Minister a nihna atang leh Mizoram Legislative Assembly member a nihna atangin patling taka bang ngam turin kan phut a ni. Miriam Lalnunsiami nen phone hmanga an inbiak leh biak loh chungchangah Pu Robert Romawia Royte in a phut ang ngeia Inquiry Commission din ngei turin Assembly Speaker kan phut bawk a ni.
“Sport Minister Pu Robert Romawia Royte chu sport department a enkawlna kawngah phul lem phaha duhtawk maiin, a taka infiam mite’n an biak phak leh an mamawh huna an koh ei phaka a awm loh avangin sport minister ni tlakah kan ngai lo,” tiin thuchhuah an siam.
