Excise & Narcotics Department chuan 17th January, 2023 (Thawhlehni) chawhma dar 10:30 khan Ramthar North-ah Heroin gram 73 (Hawng 6) leh a neitu nia puh mi pakhat – Melody Hmangaihzuali (35) d/o Saliana (L), |huampui Veng, Aizawl, tuna Ramthar North-a khawsa mek nia inchhal an man.
Excise & Narcotics Department & 2nd Assam Rifles te thawk dun chuan 17th January, 2023 (Thawhlehni) zan dar 9:00 khan Bawngkawn-ah Heroin gram 503 (Hawng 40) leh a neitu nia puh mi pahnih – Lalnunmawii (50) d/o Siamliana (L) leh Vanlalhruaii (28) d/o Siamhnuna(L), Tuirial Airfield Veng-a khawsa ve ve nia inchhalte leh Lalsangliana (39) s/o Lawmmanthanga, Zemabawk Industry veng, tuna Bawngkawn -a khawsa nia inchhalte chu an man bawk.
17th January, 2023- Excise & Narcotics department-in heroin an man zat hi gram 573 (Hawng 46) a ni.
Heroin vanga mante hi the Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, 18th January, 2023-ah Court-ah hruai nghal an ni.
Hetih lai hian kumin 2023 ah Central Anti Drug Squad (CADS) in No. 4 Hawng 42 leh Tictac bur 329 an man tawh.
Central YMA hnuaia din ruihhlo do tu team Central Anti Drug Squad (CADS) te chuan, Kum thar 2023 hian No. 4 Hawng 42 leh Tictac bur 329 an man tawh a.
Kum thar 2023 hian ruihhlo No. 4 bakah Khuh damdawi leh Ganja thahnem tak man a ni tawh a, Home a dah leh Thuneitute hnenah mi engemaw zat pek an ni tawh bawk.
Central Anti Drugs Squad (CADS) Reports 9th September 2022 – 18th January 2023:
1. HEROIN (No. 4)
Hawng – 954
Cane/Tictac bur – 2709
2. Cough Syrup – 3066
3. Excise/Police hnena hlan mi – 105
4. Counselling class kal – 411
5. Home a dah- 20
6. AP – Mum 52099
7. Meth – Mum 10153
