Mizoram Hindi Zirlai Pawl (MHZP) chuan thuchhuah siamin, “CSS Hindi Teacher lâkah khan Recruitment Rules (RR) kalha ram leilung fa ni lo; Mizo tawng pawh thiam lo, trained an nih avang maia CSS Hindi Teacher atana mi 2 (pahnih) làk an awm chungchangah ni 08-08-2022 (Thawhtanni) khan Honb’le Chief Minister leh Education Minister-te hmuh an ni a. Mizoram Hindi Zirlai Pawl (MHZP) chuan ram leilung fate aia hnam dang 2 (pahnih) duhsak an ni hi hriatthiam har a tih thu leh ram leilung fate chanvo chhuhsakna hi nakin zelah kan ram leh hnam tan a him dawn lova kan hriat avangin August 2022 thla chhung ngeia ban an nih theih nana hma la turin Chief Minister leh Education Minister hi kan lo ngen tawh a. Hemi chungchangah hian Samagra lam in MHZP a ngenna ang in chawlhkar hnih chhung ni 16-09-2022 (Friday) thleng MHZP chuan a nghak leh dawn a ni.
“Ram leilung fate chanvo chhuhsak pawh pawi tih lohna leh zirlai te hmakhua atan pawha pawi thei a nih avangin MHZP chuan chak leh zuala hma la turin kan sawrkar hi a ngen a ni. He thil ah hian a khawihtute zingah inphum ru an awm em ni? tih hi MHZP zawhna pawimawh tak ala ni reng a. Kan ram leh hnam hmangaihna rilru pu lo, ram leilung fate chanvo chhuhsak pawh pawi ti lo an awm a nih ngat chuan MHZP chuan a enliam dawn lo a, an chungah action lak a nih theih nan a tul ang in hma ala in a chingchhuak ngei dawn a ni.
Samagra in a MHZP angenna anga Chawlhkarhnih chhung a Recruitment Rules (RR) kalha lak te hi ban an la ni lo fo anih chuan MHZP chuan a thiam ang in hma ala tawh dawn a. Kan ram leh kan hnam humhim a a awm theih nan MHZP chuan a tawp thleng in a Do dawn a ni.,” tiin thuchhuah an siam.
