Ruahman lawk angin vawiin khan Mizoram Larsap General(Dr) Vijay Kumar Singh, PVSM, AVSM, YSM(Retd,) chuan lehlang a Serchhip District tlawhin, Mizoram Governor hian Helicopter hmanga Serchhip Heipad a tum hnuah, Serchhip Bawrhsap Pisapui Hallah District chhunga sawrkar Department hotute leh Serchhip a NGO hruaitute te nen inkhawmhona hun hman a ni.
He Inkhawmhona hun hi Lalrinzuala,Addl DC Serchhip chuan kaihhruaiin, Mizoram Larsap General (Dr) Vijay Kumar Singh, chuan Serchhip District ten an lo dawn sawn danah lawmthu sawiin, Serchhip District mipuite chibai a buk a, District a kut hnathawk tu ten ei leh bar a an lo intodelh theih na tura Sawrkar laipui atanga Scheme hrang hrang local thin te chu hlawktaka a tam thei ang ber lo chhawr tangkai turte, Mizoram State chu India ram state dangte tluk hauhlo tura leilung hanna chauh hmang a thlai thar (Organics Farming)ngei champion pui tur leh abikin, State sawrkar ruahmanna hnuaiah = Sawhthing hrisel tha leh fresh tha a tam thei ang ber tharchhuak a,chung chu a ro/dip ( Dry ) siam/process uar turin a fuih a, District chhunga Sawrkar laipui /Central School te chu tangkai zawk a lo chhawr zel turte,mizo thalai te chu anmahni leh an chhungkaw tana tha em em pakhat ,a tam thei ang Sipai a lut tura fuih bakah kan State(Mizoram) chu ruihhlo kalkawng pakhat anih thu leh ruihhlo hian thalai te ah chauh nilo,kan State hmalam hun zel tana thil pawi tak a thlen chhoh dawn avangin Ruihhlo tawlh tute man chhuahna kawngah thuneitute theihtawp chhuah a, an theihna zawn theuhah lo tanpui thin turin District mipuite chu sawm bawk a ni.
Serchhip DC Pisa pui Hall a hun hmanah hian Serchhip Bawrhsap Paul L. Khuma chuan Serchhip District dinhmun tlangpui alem nen lo hrilhin, Serchhip SP Gavit Gogna IPS pawhin Dan leh thupek kenkawhna kawnga Serchhip Police te dinhmun report tlangpui pe bawkin,he inkawmhona hun hi Isaac Lalchhuanmawia, Sr EE,PHED Serchhip chuan lawmthu sawiin a khar hnuah DC Meetingah Serchhip All NGO Co-ordination Committee htruaitute ten inkawmhona hun tawi hman chhunzawm leh niin, All NGO Co-ordination hruaitute chuan Larsap hnenah hian Home Ministry atanga India leh Myanmar inkar hung a tumna (FMR-Border Fencing) chu tha an tihpui thu leh chaktaka kalpui turte, District chhunga NHIDCL ten kawngpui siam mekah,hmanrua tha leh tlo zawk an hman ngei theih nan a hmalakpui zel turte, Serchhip District chhunga Myanmar leh Bangladesh raltlan te dinhmun diktak tihchian anih theih nan leh Chhiahtlang daia Industrial Training Institute(ITI) building sak zawh fel vek tawh chu a tak hman thuai anih theih nan a hmalak pui turin Mizoram Larsap hnenah hian ngenna an lo thlen/thehlut bawk a ni.
Larsap hian Serchhip a 14th Assam Rifles hmunpui a tlawh hnuah, Kum 2011 a lung a lo phum tawh New Serchhip a ‘Shalom Special School’ chu tlawhin, rualbanlo zirlai leh zirtirtute bakah School Management Committee ten lo dawngsawng in, an School mamawh chi hrang hrangte an lo thlen bawk a ni.
Larsap hian nimin chawhnu lam khan Chhingchhip a ‘Sainik School’ a tlawh bawk.
