Aizawl, April 5 : FCS&CA chuan tun laia tuialhthei harsatna thleng chungchangah a hnuaia tarlan ang hian hriattirna leh ngenna a siam.
1. Mizoram IOCL Transporter Forum leh IOCL inkara tuialhthei/POL phurh man chungchangah inrem theihlohna a awm avangin 01.04.2022atang khan Mizorama tuialhthei/POL rawn lut a khaihlak ta rih a. Rualkhai zawka mipuite’n petrol leh diesel an chan theihna’n leh inrenchemna’n Control Order tih chhuah a ni.
2. Petrol leh Diesel chawkluh kawngah hian harsatna nasa zawk thleng thei anih avangin chhungtin te in renchem tur leh mahni mamawh tawk a liam chheprel lo turin FCS&CA Department chuan mipuite a ngen a ni.
3. Mipuite leh thawktute tan a awlsam zawkna’n POL mamawhtute’n office dawr kher lova online-a POL an dil theih turin application (fcsca.ssdd.in) siam a ni.
4. FCS&CA Department website, www.fcsca.mizoram.gov.inah pawh he link hi engtiklai pawh a en theih a ni e.
